Հայաստանի Հանրապետական կուսակցությունը վարչապետի թեկնածու չի առաջադրի: Այս մասին լրագրողներին ասել է ՀՀԿ խմբակցության պատգամավոր Էդուրադ Շարմազանովը:

«Մեզ համար ամենառաջնայինը պետության, հայրենիքի շահն է, Հայաստանի եւ Արցախի անվտանգությունը եւ ներքին կայունությունը: Առաջնորդվելով  այդ մարտահրավերներով եւ առաջնահերություններով ՀՀԿ-ն այսօր որոշել է

ա) ՀՀԿ-ն Հայաստանի վարչապետի թեկնածու չի առաջադրելու,

բ) ՀՀԿ խմբակցությունը կքննարկի բոլորն թեկնածուների ծրագրերը եւ մինչեւ քվեարկությունը միասին կներկայացնի իրր որոշումը»,-ասաց նա:

Շարմազանովի խոսքով ՀՀԿ-ն այս որոշումն է կայացրել, քանի որ երկրում քաղաքական իրավիճակն է փոխվել. «Այսօր մեր երկրում քաղաքական ճգնաժամ է հայտնի իրադարձությունների պատճառով կամ հետեւանքով, Հայաստանում նոր իրողություններ են եւ մեկ անգամ չէ, որ մենք ասել ենք, որ մեզ համար առաջնայինը ոչ թե կուսակցության, այլ պետության շահն է:

Մենք առաջնորդվում ենք` կուսակցությանս հետ, բայց ազգիս համար» սկզբունքով: Մեր կուսակցության քաղաքական հայրերը, հիմնադիրները մեզ չեն ժառանգել կուսակցականամոլության գաղափարը, մեզ ժառանգել են պետականաշինության եւ պետականամետության գաղափարը: ՀՀԿ-ն անկախ Հայաստանի պետականության ամենակարեւոր հիմանսյուներից մեկն է եւ դա չի նշանակում, որ դու միշտ պետք է լինես իշխանություն եւ միշտ պարտավոր ես կուսակցության շահը ավելի կարեւոր դասել, քան պետական շահը: Մեզ համար ամենավեհն  պետության շահն է եւ մենք չունենք հայրենիք, որպեսզի տանենք ցնցումների»,-հայտարարեց Շարմազանովը:

Նա հավելեց, որ այսպիսին է իրավիճակը եւ սա գիտակցված որոշում է, որի հիմքում ընկած է ներքին կայունությունը եւ Հայաստանի եւ Արցախի անվտանգությունը:

Շարմազանովը նշեց, որ այս որոշումը կայացրել են, քանի որ ՀՀԿ-ն պետականամետ կուսակցություն է եւ այդ պատճառով են այս որոշումը կայացրել:

Շարմազանովը նշեց, որ երբ բոլոր թեկնածուները առաջադրվեն, իրենք իրենց դիրքորոշումը կներկայացնեն, թե ում օգտին են քվեարկելու:

Աղբյուր

ОСТАВЬТЕ ОТВЕТ

Please enter your comment!
Please enter your name here